1887

Leiðir til að virkja börn til þátttöku – nokkur dæmi

Norrænt rit í tilefni 20 ára afmælis Barnasáttmála SÞ

image of Leiðir til að virkja börn til þátttöku – nokkur dæmi

Barnasáttmáli Sameinuðu þjóðanna er 20 ára á þessu ári. Í tilefni þessara tímamóta birtast hér 23 greinar um leiðir til að virkja börn til þátttöku í norrænu ríkjunum fimm og á sjálfstjórnarsvæðunum Álandseyjum, Færeyjum og Grænlandi. Greinarnar ná yfir vítt svið og lýsa líkönum fyrir þátttöku barna og unglinga í mikilvægum þáttum daglegs lífs: í leik- og grunnskóla, í menningarstarfi og nærumhverfinu sem og aðkomu þeirra að pólitískum ákvörðunum. Þá er sagt frá félagslegri virkni barna og unglinga sem búa að reynslu sem skjólstæðingar félagsþjónustunnar. Mikilvægt markmið er að þessi dæmi nýtist sem hvatning og verkfæri í starfi með æskufólki. Norska félagsvísindastofnunin (NOVA) setti skýrsluna saman að beiðni barna- og ungmennanefndar Norrænu ráðherranefndarinnar (NORDBUK).

Icelandic Finnish, English

.

Börn með einstaka reynslu

Börn með einstaka reynslu eru ungir skjólstæðingar félagsþjónustunnar, sem hafa reynt meira en flestir jafnaldrar þeirra. Þegar fjallað er um þátttöku þeirra, er yfirleitt átt við að koma að ákvörðunum, sem snerta þau beint. Börnin hafa alist upp við erfiðar fjölskylduaðstæður. Rannsóknir hafa m.a. leitt í ljós að lítið er hlustað á það, sem börnin hafa til málanna að leggja, þau eru illa upplýst og hafa lítil áhrif á ákvarðanir, sem teknar eru fyrir þeirra hönd. Þegar það er gagnrýnt er borið við mannfæð, veikburða skipulagi barnaverndar, þekkingarskorti á því hvernig hafa má börn með í ráðum eða þá að mótsögn felist í því að vernda barnið og fela því samhliða ábyrgð.

Icelandic Finnish, English

This is a required field
Please enter a valid email address
Approval was a Success
Invalid data
An Error Occurred
Approval was partially successful, following selected items could not be processed due to error